Jer 44 | ZomZIV | STEP | Egypt khanglam - Migdol, Tahpanhes le Memphis - Egypt Khunglam a teng Jew-te khempeuh tawh kisai-in Jeremiah tungah thu tunga:

Jeremiah 44

Milim Biakna Hanga Gimna

1 Egypt khanglam - Migdol, Tahpanhes le Memphis ^{▼▼44.1 Hebrew in Noph} - Egypt ^{▼▼44.1 Hebrew in Pathros ah} Khunglam a teng Jew-te khempeuh tawh kisai-in Jeremiah tungah thu tunga: 2 “Israel Pasian Thahatpen TOPA gen hih ahi hi: “Note in Jerusalem le Judah khuapi khempeuh a ka tunsak gimna lianpi na mu zo uh hi. Amaute gitloh gamtatnasa hangin tuni-in kisia a kuamah a teng kei hi. 3 Amaute in amaute ahi a, note na hi uh a na pate uh ahi zongin a theih ngei loh uh pasian dangte tungah gimnamtui halin a biakna un kei hong hehsak hi. 4 ‘Hih ka muhdah a kihhuai na sem kei un!’a ci kamsangte ka sawl kikkik hi. 5 Ahi hangin amaute in ngai loin thusim lo uh a, a gamtatsia uh khel loin pasian dangte tunga gimnamtui hal a tawp tuan kei uh hi. 6 Tua ahi ciangin ka hehluatna ka sungkhia a; tua in Judah khuapite le Jerusalem kongzingte kangin kisia-a tuni-in kuamah teng loin kilawi hi. ^c

7 “Tu-in Pasian, Thahatpen TOPA Israel Pasian gen hih ahi hi: Bang hangin nupi, papi, naupangte le naungekte dongin, a baanglai om nawn lo zahin Judah tawh kikhenkhia-a no le no tungah gimna lianpi kitun na hi uh hiam? 8 Bang dinga note pai-in na ten nading mun uh Egypt ah na khut uh tawh na bawlsa uh pasian dangte tunga gimnamtui halna tawh kei hong hehsak na hi uh hiam? No le no kisiasak na hi uh a, no le no kisamsia suakin leitunga minam khempeuh lakah mi muhdah na kisuah uh hi. 9 Note in Judah gam le Jerusalem kongzing laka na pate uh le Judah kumpipate le kumpinute gitlohnate note le na zite uh gitlohnate mangngilh ta na hi uh hiam? 10 Tuni ciang dong amaute kiniam khiat nuam lo uh a, zong hong zahtak loin note le na pate uh mai-a ka koih ka thukham le ka thukipte a zui kei uh hi. ^d

11 “Tua ahi ciangin Israel Pasian Thahatpen TOPA gen hih ahi hi: Keimah in Judah gam khempeuh a susia dingin note tungah gimna kong tungsak ding hi. 12 Keimah in Egypt ah lalin ten a sawm Judah a baanglaite ka lakhiamang ding hi. Egypt ah amaute a vekun mangthang ding uh a; namsau-in a sih kei uh leh kialpi-in a si ding uh hi. Amaute a neupen pan alianpen dongin namsau ahikeh kialpi-in a si ding uh hi. Amaute kihamsiatin, kilipkhap dinga bangmaha kimang lo mawhpaihna thuakte hi ding uh hi. 13 Keimah in Jerusalem dan ka thuaksak mah bangin Egypt a tengte namsau kialpi le pulpi-in dan ka thuaksak ding hi. 14 Egypt ah teng dingin a paisa Judah mi a baanglaite ahi a, Judah gamah ciah kikin teng nuam napi a ciah kik thei nawn lote ahi zongin khat beek a suakta kei ding uh a; a gal tai tawmkha lobuang kuamah a ciah kik kei ding uh hi,” a ci hi. ^e

15 Tua ciangin a zite un pasian dangte tungah gimnamtui a hal lam a thei papi khempeuh, tua lai-a a kithuahpih nupi khempeuh - mipi hon khat - Egypt Khunglam le Tawlam ^{▼▼44.15 Hebrew in Egypt le Pathros ah} a teng mite khempeuh in Jeremiah kiangah, 16 “TOPA mina ko tungah nong thupuak ka ngai kei ding uh hi! 17 Hih dinga ka gensa uh ka hih taktak ding uh a: Judah khuapite le Jerusalem kongzingte ah ko le ka pate uh, ka kumpite uh le ka uliante un a hih bang tektekun Vantung Kumpinu tungah gimnamtu halin dawntheih-a biakna ka sungkhia ding uh hi. Tua hun lai-in an lah tampi ka nei uh a lamzangin supna baina lah ka thuak kei uh hi. 18 Ahi hangin Vantung Kumpinu tungah gimnamtui hal le dawntheih-a biakna ka bawl nawn loh ua kipan bangmah nei loin namsau le kialpi-in ka mangthang uh hi,” a ci uh hi. ^g

19 Tua numeite in, “Kote in Vantung Kumpinu tungah gimnamtui halin dawntheih-a biakna ka sun uh ciangin ka pasalte un tuanu lim sunin moh ka bawl uh le dawntheih-a biakna ka sun lam uh hong thei lo uh sa na hi hiam,” a ci uh hi.

20 Tua ciangin Jeremiah in amah a dawng kik mi khempeuh nupi, papite tungah, 21 “Judah khuapite le Jerusalem kongzing lakah note le na pate uh, na kumpite uh le na uliante uh le gam mite in gimnamtui na hal lam uh TOPA in a phawk lo-a ngaihsun na hi uh hiam? 22 Na gamtat hoih lote uh le a kihhuai-a na gamtatnate uh hangin TOPA ki-ip zo nawn lo a, na gam un hamsiatna thuakin tuni mahmah in zong kuamah teng loin a kinusiacip hi. 23 Gimnamtui halin TOPA tungah note na mawh uh a, a thu mang loin ama thukham na zui kei uh a, a thukipte le a ngeina gualhsate zui lo na hi manun tu-a na muh bangun no tungah hih gimna hong tung ahi hi,” a ci hi. ^h

24 Tua ciangin Jeremaih in numei zong a kihel mite khempeuh tungah, “No Egypt a om Judah mite khempeuh aw, TOPA kammal za un. 25 Hih in Israel Pasian Thahatpen TOPA thugen ahi hi: Note le na zite un, ‘Eite in Vantung Kumpinu tungah gimnamtui hal le dawntheih-a biakna piak ding ka kiciamsa bangun ka sem taktak ding uh hi,’ ci-in na kiciam bangun na gamtatna uh tawh na lak zo uh hi. ⁱ

“Tua ahileh mainawt vet un! Na kiciamsa bangun sem dih un! Na kamciam uh tangtun un! 26 Ahi hangin Egypt a teng Jew-te khempeuh in TOPA gen za un! TOPA in cikhia hi,’ Egypt a om Judah-te khat beek in, “Thupipen TOPA nuntakna ka lo hi,” ci-in ka mina a kiciam nawn loh nadingun ka min lianpi-in ka tom lo khin hi. 27 Ahang in, amaute a hoih nading uh hi loin a nat nadingun ka encik gige hi; Egypt a om Jew-te a vekun a kisiat khit matengin namsau le kialin a mangthang ding uh hi. 28 Namsau panin suakta a Egypt pan Judah ah a ciah kik tawm mahmah ding hi. Tua ciangin Egypt ah teng dinga a pai a baanglai Judah-te in amau cih le kei cih koi kipzaw hiam cih a thei ding uh hi. ^j

29 “No tunga kong tunsak ding haksatna a kip takpi lam na theih nadingun hih muna dan kong tuahsak nading lim hih ahi hi,’ TOPA in cikhia hi. 30 Hih in TOPA gen ahi hi: ‘Keimah in Judah kumpipa Zedekiah amah a that nuam Babylon kumpipa Nebuchadnezzar tungah ka piak bang tektekin Egypt kumpipa Pharaoh Hophra, amah a that nuam a galte khutah ka pia ding hi,’ ci hi,” a ci hi. ^k